NEDP hnuaiah scheme/project 35 pawm

New Economic Development Programme (NEDP) Core Commit-tee chu nimin khan chief minister Lal Thanhawla hoin CMO confe-rence hall-ah an ṭhu a; NEDP hnuaia scheme leh project 35 an pawm.

Chief Minister chuan, sorkar laipuiin state-te hnenah sum a pek chhuah dan a thlak avangin Five Year Plan a titawp dawn tih sawiin, "15th Year Plan duang turin state-te beisei kan ni. Planning Commission thlaktu NITI Ayog chuan National Development Goals leh UN Sustainable Development Goals-te chu ngai pawimawhin, hengte hi 15th Year Plan draft-ah telh turin thurawn an pe a ni. Thil ngaih pawimawh bik (priority) kan neih a ṭul dawn a, sorkar sum hi a
ṭangkai leh daihzai thei ang bera kan hman thiam pawimawh dawn," a ti.

Meeting-ah hian NEDP hnuaia scheme leh project 25 ruahmanna duan tawh sate chu pawm niin, scheme leh project dang 10 la chinfel ngai leh ruahmanna duan tawh tlem siamrem ngaite chu zau taka sawiho a nih hnuin pawm vek a ni. NEDP hnuaia sector hrang hrangte kalpui dan tur, Implementation Guidelines duan tawh pawh siamrem ngaite sawiho a nih hnuin pawm a ni bawk.

Kumina NEDP hnuaia project kalpui turah hian thingtlanga mi harsate hnenah in chung tur rangva semna scheme Chief Minister’s Rural Housing Scheme pawh a tel a; he scheme hi kumin atan bik chuan district pathum – Siaha, Lawngtlai leh Serchhip-ahte ṭan a ni dawn a, chhungkaw 1,200 velin hamṭhathna an dawng ang.

NEDP hnuaiah hian Aizawl khawpui hmun palia kawng péng-
ṭhuamte tihzauh hna, Aizawl Mobility Improvement Scheme pawh a tel a ni.

Meeting-a an rel dan chuan, September 30, 2016-ah Vanapa Hall-ah NEDP tlangzarhna inkhawm neih a ni dawn a, Aizawla trafiic jam tihziahawm nan sorkarin Traffic-Jam Aizawl City tih programme a duan chu tlangzarh a ni ang.

Nimina meeting-ah hian minister panga - Lalsawta, H Rohluna, Zodintluanga, PC Lalthanliana, Lal Thanzara, State Planning Board vice chairman H Liansailova, Home secretary Renu Sharma, School Education secretary P Lalchhuanga leh principal secretary to CM Lalram Thanga te an tel.

NEDP hnuaia scheme leh project hrang hrang thawhna atan kum 2016-17 chhung atan cheng vbc. 250 ruahman a ni.