KHAWTHLIR
Thisen pe
Zirtiri Residential Science College chuan, Thawhlehni khan Aizawl Civil Hospital tan thisen unit 100 an pe a, a petute mipa 86 leh hmeichhia 14 an ni. Saiha College NSS unit pawhin NSS Day pualin Thawhlehni khan Siaha District Hospital tan thisen unit 51 an pe a, a petute mipa 29 leh hmeichhia 22 an ni.
CLIx training
Mizoram sorkar, Tata Institute of Social Sciences, Masachusetts Institute of Technology leh Mizoram University-te
ṭangho hmalakna CLIx (Connected Learning Initiative) project kal zelah nimin aṭang khan high school-a English subject zirtirtu mi 60-te DIET, Aizawlah ni hnih awh tur training ṭan a ni.
Hmuh theih
Lunglei District Court khawih leh magistrate quarters suasam a nih chungchanga thil awm dan chhui tura ruat, Aizawl DC Kannan Gopinathan chu sawi duh nei tan Lunglei Circuit House-ah vawiin leh naktuk hian tlai dar 2-4 inkarah hmuh theih a ni dawn.
Hmuh theih
Lunglei District Court khawih leh magistrate quarters suasam a nih chungchanga thil awm dan chhui tura ruat, Aizawl DC Kannan Gopinathan chu sawi duh nei tan Lunglei Circuit House-ah vawiin leh naktuk hian tlai dar 2-4 inkarah hmuh theih a ni dawn.
USA-a UPC khawmpuiah tel
United Pentecostal Church (UPC) International chuan September 27 aṭang khan Indiana Convention Center, USA-ah General Conference an hmang ṭan a, Mizoram aṭangin UPC (NEI) superintendent Rev. Lalmalsawma Sailo leh treasurer Rev. Zohmingthanzama
te an kal.
In kâng
Nimin tlai dar 3 vel khan Champhai Vengsanga C Pakunga (L) in, Assam type chhawng hnih chu bungraw chuh hman lohin a kâng ral a; in hi Pakunga (L) fate pahnih Vanlalpeka leh Biaksanga te chhungkuain an luah a, a kan laiin an awm lo. Champhai Vengsang YMA hruaitute hnen aṭanga thu dawn danin, in kâng hi mipui leh Fire Service-te'n ṭhelh tum mah se, an ṭhelhmit thei lo a; in dang a kângkai tur erawh an veng thei a ni.
Free clinic
Kolasib Chief Medical Office buatsaihin nimin khan Kolasib DC office-ah free clinic buatsaih a ni a, DC office leh a chheh-vel office-a thawktu mi eng emaw zatte hriselna dinhmun endik a ni.