Reiekah Anthurium Festival ṭan a ni

Anthurium Festival 2016 chu nimin khan Reiekah ṭan a ni. A hawngtu Tourism minister John Rotluangliana chuan, kût hmang tura kalte chu hlim taka hmang turin duhsakna a hlan. Festival hi vawiin leh naktukah chhunzawm a ni ang.

Anthurium Festival hawnna inkhawm hi parliamentary secre-tary (Tourism) TT Zo-thansanga'n a kaihruai a; John Rotluangliana chuan, "Anthurium Festival hi Mizote'n pi leh pu aṭanga kût kan neih zinga mi ni lo mah se, sorkar laipui hriatpuia kum tina hman ṭhin hi Mizote hnam anga min phuar khawmtu ṭangkai ni se ka duh," a ti.

Anthurium Festival ni hmasa berah hian malzai, a huhoa zai leh hnam lâm hrang hrang en leh ngaihthlak tur a awm a, ei leh in chi hrang hrang a awm bakah, Mizoram KVI-in an thil siamte an phochhuak a ni.

Evergreen Tours & Travels buatsaihin wall climbing competition, Go Mizoram buatsaihin tree house, ziplinning, sky skateboarding leh a duh tan puan-ina riah nghal theihna siam a ni a; Mizoram Rifle Association-in rifle shooting competition buatsaihin, MUP-in sairawkherh inperhsiak an buatsaih bawk.