Food Testing Laboratory sak mek Assurance Committee-in an tlawh

Committee on Government Assurances member-te'n nimin khan Thenzawl dái, Mausep rama Food Testing Laboratory sak mek an tlawh a, hnathawh dan an enfiah.

Committee chairman R Vanlalvena chuan, Food Testing Laboratory an tlawh chhan chu a taka hman a nih thuai theih nana thil pawimawh leh ṭul dang la awmte zir chian leh a ṭul anga ngaihtuah zui a nih thu a sawi a, "Vawiina kan thil hmuhte chu Com-mittee-in ngaihtuah zuia a ṭul
ang zela hmalak a ni ang," a ti.

Assurance Commitee member-te chu - R Vanlalvena, Vanlalawmpuii Chawngthu, Lalthanliana, Dr Ngurdingliana leh Chalrosanga te an ni.

Food Testing Laboratory hi Trade & Commerce department-in sorkar laipui aṭanga Export Development Fund an hmuh cheng nuai 292.60 hmangin kum 2011-ah an sa ṭan a; building sak zawh tawh niin, khawl pawimawhte bun tura hma-chhawp mek a ni.

Assurance Commitee-te hi Health principal director Dr K Ropari, Industries director J Hming-thanmawia, Health joint secretary Lalrina Sailo leh Assembly Sec-retariat staff-te'n an ṭawiawm.