Lungleiah upate kawmna hun buatsaih

Art & Culture department leh Mizo Academy of Letter Joint Headquarters, Lunglei chuan nimin khan Heritage Centre, Lungleiah Meet the Elder/Author an buatsaih a; Fisheries secretary Thla-muana'n a hmanpui.

Thlamuana chuan, thu leh hla lama mithiam kum upa, sûlhnû ngah tak takte tana hun buatsaih a ni chu lawmawm a tih thu sawiin, "Ṭhangtharte tan Mizo ṭawng dik zir tur leh hriat tur tam tak an neih phah dawn. Mithiamte'n ṭawng
hi thil nung a ni an ti a, hnam leh chi ṭawngte hi a boin a thi thei a, hei vang hian hnam leh chi ṭawngte hi hmang uar ang u," a ti.

Inkhawmah hian Dr RT Hnialum (Lawng-tlai), Rev.Dr CL Hminga (Lunglei), RK Lalhluna (Lunglei), Sanghlira Colbert (Lunglei), Rev. H Killuaia (Lunglei) leh C Lalnunchanga (Aizawl) te an kâwm a ni.