Exhibition & Project Competition buatsaih

Serchhip DEO leh SCERT ṭangkawp chuan, nimin khan Serchhip High School-ah Inspired Award hnuaiah state leh district level Exhibition and Project Competition an buatsaih a, Serchhip DC Dr Lal-rozama'n a hawng.

Dr Lalrozama chuan, thil thar hmuhchhuah lama rilru leh ngaihtuah-na séng zirlai naupang ṭhahnem tak an awm chu lawmawm a tih thu sawiin, "Hmasawnna thlen tur chuan thil danglam kan mamawh. Mi tin hian tuina leh thiamna bik kan nei deuh vek a, chungte chu Pathianin kan talent atana min pekte an ni a, chung thilte haichhuah thiam a, ṭangkai taka hman thiam hi kan nunkhua atan a ṭangkaiin a ṭul em em a ni," a ti.

State leh district level Exhibition and Project Competition hawnna inkhawm neih zawhah intihsiak ṭan a ni a, district hrang hrang aṭanga kal-khawm zirlai 62-te'n an thil siam an pho chhuak. Inelnaa ti ṭhate chu national level-ah Mizoram aiawhin an kal leh ang.

INSPIRE Award hi Ministry of Science & Technology hnuaia sorkar laipui flagship program-me a ni a; kum 2010-a bul ṭan niin, India ramin science & tech-no-logy lama chak zawka hma a sawn theih-na tur leh zirbingna lama mi tam zawk an kal theih nana naupangte kaihruai chu a tum ber a ni.