KHAWTHLIR

Zakapa Award zirho

Zakapa Award Organising Committee chuan nimin khan IPR Lianchhiari Rûn conference hall-ah Zakapa Award 2025 sem tur pualin Seminar cum Consultative Meeting an buatsaih a, Social Welfare & Tribal Affairs secretary Lalzarmawii'n a hmanpui. Sawm bikte'n Zakapa Award kaihhnawih thupui thlan chhuahte an sawifiah a, sawihona hun hman a ni.

MLA-in CSC hawng

Lunglei South bialtu MLA Lalramliana Papuia chuan nimin khan sorkar laipuia Ministry of Minority Affairs hnuaia Pradhan Mantri Jan Vikas Karyakram (PMJVK) 2020-21 kaltlanga sak Lunglei Lunglawn Community Service Centre (CSC) a hawng. Lunglawn CSC hi cheng nuai 140 senga sak a ni a, a satu contractor chu Excell Consultancy Services, Mission Veng a ni.

Chetsualnaah thi

Samuel Lalramthanmawia (22) s/o VL Hmingthanpuia, Salem Veng chu February 24, Thawhṭanni tlai dar 3 vel khan bike-in a chesual a, a hliam tuar loin a thi. Thu dawn danin, Samuel Lalramthanmawia hi Mualpui Zero Point piah lawkah a chesual a, damdawi-in panpui ni mah se, chhan theih a ni tawh lo a ni.

TB campaign nei

National Tobacco Control Programme, Mobile Medical Unit leh Mamit District Mental Health-te chuan nimin khan Mamit Luangpawla 4th IR Battalion hmunah ngawr (TB) ûm bo beihpui thlakna, 100 Days Campaign an buatsaih a, Mamit chief medical officer Dr Lalhlunpuii'n a hmanpui. Campaign-ah hian IR police-te hriselna dinhmun enfiah a nih bakah, TB screening tih a ni.

Wildlife Library

Environment, Forests & Climate Change minister Lalthansanga chuan nimin khan Chief Wildlife Warden office conference hall-ah 'Lalramthanga Wildlife Library' a hawng. Minister hian kumin March thla tawp lama ṭan tur Eco Fest Logo pawh a hawng a, Eco-Fest t-shirt leh promo video a tlangzarh bawk.