Police-te'n kum 2023 hnu lamah phone bo 875 an chhui chhuak

DIG (NR) C Lalthanmawia chuan nimin khan Aizawl SP pisa chei ṭhat a hawng a; tun hnaia Aizawl district-a mobile phone rûkbo/tihbo zinga chhui chhuah ṭhenkhat a neitute hnenah a hlan bawk. Police-te'n kum 2023 aṭangin mobile phone bo 875 an chhui chhuak tawh.

Sorkar thuchhuah tarlan danin, police station-a complaint dawn nasat leh thil thleng hluar ber pawl chu mobile phone bo a ni a; kum 2023 aṭanga February 2025 kal mek chhungin police-te'n mobile phone bo 875 an chhui chhuak tawh a ni.

Ministry of Communication hnuaia Department of Telecommunications-in a siam Central Equipment Identity Register (CEIR) portal hmangin mobile phone rûkbo/tihbo 110 chhui chhuah a ni tawh a; phone bo chhui hna ngawrh taka kalpui zel niin, chhui chhuahte chu a neitute hnenah pek kir zel a ni.

DIG C Lalthanmawia hian nimin vek khan Aizawl SP office Crime Branch hnuaia CEIR portal enkawltu leh phone chhui chhuahna kawnga hma latu constable Lalchhuansanga Khawlhring hnenah lawmman a hlan bawk.