Hriselna atan kea kal hun buatsaih

Mamit Chief Medical Officer office chuan Mizoram Health Systems Strengthening Project (MHSSP) hnuaiah nimin khan 'Damna Káwl Eng Community Interventio' an buatsaih a, Mamit Charkawn leh PWD Kawn aṭangin Mamit Field thleng hriselna atana kea kal rûnpui (walkathon) an huaihawt.

Damna Káwl Eng Walkathon hi district bawrhsap K Laltlawmlova'n hmanpuiin, Mamit Charkawn aṭangin a vailiam a, mi 1,000 vel an tel.

Mamit Bawrhsap chuan, natna inkai chhâwn theih lohte lakah inven theih a nih thu sawiin, chumi tur chu zunthlum leh thisen sang nei lo tura invawng turin kal khawmte a chah a; hriselna kawngah ke pên zel turin district chhung mipui a sáwm bawk.