Meilam sial ṭha turin hriattir

26th February, 2025

Aizawl district magistrate Lalhriatpuia chuan lo, huan, ram hâl chungchangah thupek a chhuah a; meilam sial ṭha tur leh vah bâk ram tikang lo turin hâl tur neite a hriattir. Thupek bawhchhiate chu BNS, 2023 Section 223 hmanga hrem theih an ni.

Aizawl DC chuan, khua a ṭhál a, lo hâl a hun chho dawn tih tarlangin, "Vah bâk ram kan tihkan fo avangin kan ram thing leh mau, ramsa leh nungcha leh kan lui tui leh tui tlan tuikhurte'n nasa takin a tuar ṭhin," a ti.

AIZAWL DISTRICT MAGISTRATE THUPEK

• Huan/lo/leipui/ram hâl turte'n March 15, 2025 ral hmain hâl vek tur.

• Lengpui Airport hnaihah chuan tlai dar 3:30 hnu lamah chauh hâl tur.

• Meilam ṭha taka sial loin hâl loh tur.

• Vah bâk ram tihkan loh tur.

• Ramhnuaiah meichhem timit loa kalsan loh tur.