State Day of Prayer thlir let a ni; Nakkumah hman leh ngei an duh

State Day of Prayer (SDP) Committee chuan nimin khan working chairman F Rodingliana inah February 20, 2025-a State Day of Prayer hman tak an thlir lêt a; nakumah pawh hman leh ngei ṭha an ti.

SDP Committee chuan Mizoram mai bakah, state páwn hmun eng emaw zatah State Day pualin Mizoram tan ṭawngṭaina hun an lo hmang ve tih report an dawng tih an tarlang a, "A lawmawm kan ti hle. He programme a hlawhtlinna tura thawktu zawng zawngte chungah lawmthu kan sawi a ni," an ti.

State Day of Prayer chu kum 2026-ah pawh hman leh ngei a nih theih nan tun aṭanga ṭawngṭaina nen hmalak an rêl.

SDP Committee-in an hriat theih chinah State Day of Prayer hi Mizoram chhung district khawpui tin bakah, RD block 18 leh khaw 100 chuangah hman a ni.

SDP LAWMTHU SAWINATE
• Ṭhalai rual mi 1,200 chuang Pathian fakna hla ropui tak mahni insengsoa hlantute.
• Thusawitu chief minister Lalduhoma leh Fredrick Lalrindika.
• BJP, INC, MNF leh ZPM aiawha thusawitute.