Singapore lamah anthurium thawn

Mizorama anthurium thar, Singapore-a hralh turte chu nimin khan Agriculture secretary Ramdinliani'n Horticulture Directorate aṭangin a vailiam.

Singapore-a anthurium thawn chhuah hi Horticulture department, Agriculture Product Export Development Authority of India (APEDA leh Zo Anthurium Growers Cooperative Society-te hmalakna a ni a; Singapore-a an thawn chhuah vawi khatna a ni.

Anthurium vailiamna inkhawm hi state pawn aṭangin internet kaltlang (virtual)-a neih a ni a; APEDA chairman Abhisek Dev leh hotu dang te, Veg.Pro Singapore Pvt Ltd hotu Kalai Selvan leh IVC Agrovet Private Ltd, Mumbai chief managing director Kishan Singhal te bakah, Mizoram aṭangin Horticulture hotute leh Zo Anthurium Growers Cooperative Society member-te an tel.

Mizoram kum 2004 vel khan anthurium chìn ṭan a ni a, Zo Anthurium Growers Cooperative Society-ah member 150 vel an awm. Kum 20 vel chu state páwn, India ram chhungah anthurium an hralh tawh a ni.