BNSS leh BNS chungchang sawifiah

Serchhipa sorkar hotute chuan thuchhuah siamin, district magistrate-te'n an huam chhunga Bharatiya Nagarik Suraksha Sanhita, 2023 (BNSS) tlawhchhana thupek leh Bharatiya Nyaya Sanhita, 2023 (BNS) hmanga hremna an lekkawh theih dan an tarlang.

Sorkar thuchhuah tarlan danin, district magistrate-te'n an thuneihna huam chhungah mipui himna tichhe thei emaw, mihring hriselna leh nunna lam tana pawi emaw, dan leh thupek kenkawhnaa mipui tana harsatna leh buaina thleng thei venna atan BNSS Section 163 hmangin khapna thupek (prohibitory order) an chhuah thei. Thupek bawhchhiate chu BNS Section 223 hmangin hrem theih a ni.

BNS, Section 223 (IPC Section 188) chu chiang taka dan bawhchhetute hremna a nih avangin police-te'n phalna (warrant) tel lo pawhin dan bawhchhetu an man thei a; FIR an ziah luh nghal theih bakah, dan bawhchhiat chu an chhui zui thei. BNSS Section 193 (CrPC Section 173) hnuaiah final report an thehlut nghal thei bawk.