Lunglei dist-a bank-te CD ratio 71.69%

Lunglei District Consultative Committee, District Level Review Committee leh District Level Security Committee chu additional DC Rochuangkimi Khenglawt hoin nimin khan DC conference hall-ah an ṭhukhawm. October-December, 2024 chhunga Lunglei district-a bank hrang hrangte credit deposit (CD) ratio chu 71.69% a nih thu tarlan a ni.

Rochuangkimi Khenglawt chuan, mipuite'n bank kaltlanga hamṭhatna an hmuh theihte chiang taka an hriat theih nan theihtawp chhuah tur leh, sorkar line department hrang hrangte nen thawhhona ṭha neih zel tum turin bank hotute a chah.

Lunglei Additional DC hian NABARD Mizoram Regional office buatsaih, Lunglei district-a kum 2025-26 chhunga agriculture kaihhnawih leh bank behchhana hmalak theihna tur ruahmanna, 'Potential Linked Credit Plan 2025-2026' a tlangzarh a ni.

Ṭhutkhawmah hian kum 2024-25 third quarter (October-December 2024) chhunga Lunglei district-a bank hrang hrangte dinhmun thlirho a ni. Hmachhawp leh hmalak zui dan tur te, bank sum vawnhimna (security) lam leh pawisa léng vel (currency management & remittance) chungchang te, sawiho a ni a; bank-a awm ngei ngei tur security guard, CCTV, fire extinguisher leh security alarm-te ngaih pawimawh ni se, an ti.

LUNGLEI DISTRICT-A BANK-TE DINHMUN
October - December 2024

* PMJJBY-ah target 847-ah 1,424 (168.12%) leh PMSBY-ah target 909-ah 1,796 (197.58%) inziak lut an awm.

* Priority sector hnuaiah 60% leh non-priority sector hnuaiah 110.25% loan an pe.

* Self help group 43 hnenah loan cheng nuai 85.5 pek a ni.

* KCC hnuaiah crop loan cheng nuai 2,016.37, animal husbandary loan cheng nuai 1,295.85 leh fishery loan cheng nuai 4.67 pek a ni.

* Mi 47 hnenah PMEGP loan cheng nuai 181.15 pek a ni.

* Financial literacy campaign vawi 33 buatsaih a ni.