MLA-in Lunglei District Jail a tlawh

Lunglei West bialtu MLA T Lalhlimpuia chuan February 25, Thawhlehni khan Lunglei District Jail a tlawh a, Scheme for Special Assistance to States for Capital Investment (SASCI) suma District Jail sak dan tur a enfiah. Lunglei District Jail-ah hian táng 120 leh thawktu 27 an awm mek.

T Lalhlimpuia chuan, SASCI suma Lunglei District Jail sak ṭhat dan turah ruahmanna (estimate) ang thlap leh mamawh phuhru zo ngei tura ṭha taka hna thawh chu sorkarin a duh ber a nih thu a sawi a, "Hna ṭha chiah kan beisei," a ti.

Lunglei West MLA hi Lunglei Municipal Council ward-V councillor Zonunmawii leh Lunglei SP J Lalmuankima ten an ṭawiawm. Zonunmawii chuan, District Jail-a duty-te'n mamawh an lo thlen tuizém chu an mamawh ang zat pek a nih tur thu a sawi.