Eptute'n V Zirsanga an duh lo

Nimina Lai Autonomous District Council (LADC) chief executive member (CEM) atana V Zirsanga lak luh tur chu dan tumin Congress leh MNF ṭhalaite chu an pungkhawm a, mahse, an dang lo.

CEM lak luh inkhawm ṭan hmain Congress leh MNF ṭhalaite chu CEM lak luhna tura ruahman LADC hall gate bulah an pung khawm a, V Zirsanga bakah, amah la luttu tur Lawngtlai DC dan an tum a ni. V Zirsanga leh Lawngtlai DC hian kawng dang aṭangin LADC Hall an pan a, harsatna awm loin CEM lak luh inkhawm buatsaih a ni.

MNF leh Congress ṭhalaite'n LADC gate-ah hian hminghliauna nei ram hruaitu atan an duh lohna thuziak an keng lang a ni.