Lemchan zirhona buatsaih a ni

Information & Public Relations minister Dr Vanlalthlana chuan nimin khan IPR Lianchhiari Rûn mini theatre-ah 'Film Workshop for Local Film Makers' a hawng a; Mizo film director, actor, videographer, film siam lama tuite leh MZU Mass Communication department zirlaite an tel.

Dr Vanlalthlana chuan, film chu khawvel leh India ramah industry changtlung tak a nih thu sawiin, film lama tui Mizo ṭhalaite chu khawvel hmuha an theihna pho chhuah nan leh eizawnnaa dinchhuah nan film industry hman tum turin a chah a, "Film siamin a ken tel lemchan thiam bakah, script ziah, rimawi, thuam inbel tur ngaihtuah, make-up chi hrang hrang hman thiamte a pawimawh vek a ni," a ti.

Workshop hawnna inkhawm hi IPR director C Lalnunkima'n a kaihruai a, deputy director Pratap Chhetri-a'n worshop chungchang sawifiah. Resource person atan Joshy Joseph, Kochi Kolkata Cocktail Production hman a ni a, vawiinah chhunzawma zawh a ni ang.