Tlawng lui humhalh dan tur inzirtir

PHE department leh Central YMA chuan nimin khan CYMA Hall-ah Tlawng lui humhalh dan tur leh plastic sâwngbâwl chungchang zirhona an buatsaih a, Tlawng lui kama ram nei khua leh veng khawtlang hruaitute an tel.

Zirhona hi CYMA vice president Prof. Lalnuntluanga'n a kaihruai a; khuallian Prof. Lalnilawma, PHE minister chuan, Aizawl mipui châwmtui Tlawng lui tuia harsatna awm ṭhin sutkian a nih theih nan leh kum tluana Aizawl khawpuiin tui hnianghnar a dawn theih nan sorkarin hma a lak mek thu a sawi.

PHE Minister chuan, tuihna humhalh tur leh Tlawng lui a thianghlim theihna tura hmalaknah mipuite nen ṭanrual a ṭul thu a sawi a; tuihna humhalhnanaa hmalaknaah YMA leh PHE department ten thawhhona ṭha an neih zel a duh thu a sawi bawk.

CYMA president Lalhmachhuana chuan, ram tan tuihna humhalh leh tihpun a pawimawh thu sawiin, "Hemi kawngah hian YMA chuan a theihtawp in hmalakna a kalpui mek. YMA hian kan ram leh hnam tana ṭha tur a nih chuan huang lo a nei lo a, ram leh hnam tan theihtawp a chhuah zel dawn a ni," a ti.

Zirhonaah hian Tlawng lui bul hnaia ram ram nei khua leh veng YMA branch 67 aiawh an tel a; PHE engineer-in-chief H Duhkima'n Tlawng lui humhalh a ṭulna leh plastic hman nasat ṭhat loh dan a sawi a ni.