Sakawrdai NGO-te'n zirtirtu dang dawn

Sakawrdai All NGO chuan Sakawrdai Middle School-a zirtirtu a ngheta thawk awm chhun khaw danga sawn an duh loh avangin, zirtirtu chhuak tur an dang dawn.

Sakawrdai NGO tarlan danin, January 15, 2025 khan Sakawrdai M/S-a zirtirtu a ngheta thawk awm chhun Lallawmzuala Varte transfer order a chhuak a; Education Minister, Aizawl DEO leh SDEO-ah order sût tura ngenna an thehluh hnuah sût a ni. Mahse, February 19, 2025 khan Lallawmzuala Varte chu New Hruaikawn M/S-a thawk tura sawnna thupek tihchhuah leh a ni.

Lallawmzuala Varte chu Sakawrdau M/S-a zirtirtu nghet awm chhun a nih avangin hmun danga insawn an remtih loh thu tarlangin Sakawrdai All NGO chuan, "Joinning report pe tura a kal tur dan ṭha kan ti a, kan thil phûtte a hlawhtlin hma chuan kan hmalakna hi a kal zel dawn," an ti.

Sakawrdai NGO-te hian kum 2025-26 atana sikul kal ṭan leh hma ngeia Lallawmzuala transfer order sût an phût a; Sakawrdai M/S-in headmaster a nei nia an hriat laiin, tun thlenga headmaster hmél leh a hming an la hriat loh chu a rang lama Sakawrdaia dah an phût bawk.