Tunlaia ṭhalaite mamawh zirho

SCERT hnuaia Population Education Cell chuan February 27, Ningani khan SCERT auditorium-ah tunlai tleirawlte mamawh zirhona hun an buatsaih a, Aizawla kohhran hrang hrang ṭhalai hruaitu 38 an tel.

Zirhonaah hian SCERT director Caroline Zoramthanga'n thu sawiin, tleirawlte zirtirna leh enkawlna chu sikulah chauh kalpui a tâwk loh thu leh kohhran hrang hranga ṭhalai hruaitute nena thawhho a pawimawh thu a sawi a; kohhran ṭhalai hruaitute chu a theihna hmun apianga an thu ngaihthlak leh zirhote pu darh zel turin a chah.

Zirhonaah hian Shalom CEO leh SCERT-a thawktute'n tunlai tleirawlte mamawh hrang hrangte an sawi a ni.