Chhiah sang ennawn ṭha ti

Nimin khan Finance minister Lalsawta hoin SAD conference hall-ah Mizoram sum leh pai dinhmun chungchangah Consultative Committee meeting neih a ni a; chhiah leh thil man vawi leh khata tihsàn vak chu ennawn ṭha an ti.

Meeting-ah hian sorkar sum tihpun dan turah kawng hrang hranga ṭan lak rualin, chhiah leh thil man sang ta thut chu ennawn an rawt a; a bik takin Land Revenue & Settlement (LR&S) dept.-in chhiah an lak chu sang lutukin an hria a ni.

Hei bakah hian AMC-in Accounts & Treasu­ries office building him tâwk loa a ngaih vanga ṭhiah leh building thar sak dan tur te, sorkar leiba tih­zângkhai dan tur te, Public Sector Enterprise (PSE) siam ṭhat dan turte an rel.

Meeting-ah hian par­lia­mentary secretary KS Thanga, MLA dang paruk - PC Zo­ram Sangliana, Lalrobiaka, T Sangkunga, K Sang­thuama, Lalthanliana leh Lalruatkima leh, Finance department official-te an tel a ni.