Ramri-ah inrawlh turin PM ngen

Lok Sabha MP C Lalrosanga chuan tun hnai khan prime minister Narendra Modi hnenah lehkha a thawn a, Mizoram leh Assam ramria buaina thlengah inrawlh turin a ngen.

C Lalrosanga chuan a lehkhathawnah hian, Assam mite'n Mizoram ram chin an chuh avangin buaina a awm thu ziakin, Assam sorkar chu ramri zah tur leh ramri chin bawhchhe lo tura hrilh turin PM Modi a ngen a, "Assam chhunga mi Lailaipur leh a chhehvela chengte'n an duh hun huna Mizoram châk lakna kawngpui an dang ṭhin hi a ṭha lo a, a ngai­mawhawm hle a ni," a ti.

Mizoram mamawh lâk luhna kawngpui chu eng lai pawha a tlang theih nan Assam sorkar chu na taka hriattir turin Lok Sabha MP chuan Prime Minister a ngen a ni.