Chawngte kawng enpui turin ngen

Zoram Drivers Union (ZDU), Chawngte Unit chuan thuchhuah siam­in, an khaw kawng chu tunlai hian a chhe hle a, lirthei kal harsa khawpin a chhia niin an tarlang a; kawng chhia vanga harsatnate a hmunah enpui a, harsatna sutkian dan tur ngaihtuahpui turin sorkar thuneitute an ngen.

Chawngte ZDU chuan, World Bank sum hmanga sorkarin Chawngte kawng siam tura a thlan contractor-in a hun takah hna a thawk ṭan lo tih sawiin, "Kawng chhe zual lai pawh an siam duh loh avangin tunah motor pawh a kal hlei thei lo a ni ber mai," an ti.

Chawngte ZDU tarlan danin, Lung­lei-Chawngte kawng chu zauh turin May 2015-ah laih ṭan a ni a, tunlai hian a diak kâwi a, lirtheite an táng nasa hle a ni. Lawngtlai-Chawngte kawng lam pawh siam mek a ni a, fûr lai a nih avangin kal a harsa hle