Tuichang lei him tawk loah an ngai

Tuichangral huam chhunga V/C intêl khawm, Tuichangral V/C Association chu tun hnai khan Chekâwn khuaah an ṭhukhawm a; Keiṭum-Khawlailung inkara Tui­chang lei chu a him tawk loa hriat vangin a thar dawh dan tur ngaihtuah tura sorkar ngen an rel.

Tuichangral V/C Association chuan, Tui­chang lei chu Mizoram UT hun laia dawh tawh a nih avangin a him tawh loa an hriat thu an sawi a; harsatna leh chhiatna lian a thlen hmaa chei ṭha tur leh lei thar dawh a nih theih nana hmalak an rel a ni.

Arṭahkawn-North Vanlaiphai kawng siamṭha tura sorkara thlen te, East Lungdar-Sailulak kawng PMGSY sum hmanga siam mek blacktop chhe lutuk chu ṭha zawka siam tura sorkar nawr leh chak zawka hna thawh a nih theih nana hmalak te, Tuichangral huam chhung khaw hrang hranga sorkar office-a thawktu indaih lo leh post ruak hnawhkhat tura sorkar hnena thlente an rel bawk.