New Market golden jubilee lawm mek

Aizawl New Market golden jubilee lawm mek zel a ni a; Trade & Commerce deputy director chuan golden jubilee lawm nan August 1-7, 2015 chhungin New Market-ah tlawm zawkin thil chi hrang hrang zawrh a nih tur thu a sawi.

New Market kum 50-na lawm nan hian nimin khan Aizawl Civil Hospital-a blood bank officer-te leh eye bank hotute’n campaign an nei a; thih hnua mi dangte tana mit hlan tuma hming pe thar mi 170 an awm a, mipa 27 leh hmeichhia 143 an ni.

Aizawl New Market golden jubilee lawmna hi June 13, 2015-ah an hawng a, a lawmna pui ber chu August 5, 2015-ah an hmang dawn a ni.