Champhai NGO-te’n party pisa sak remti lo

Champhai District NGO Coordination Committee chuan, Champhai DC Office hmun hluia Supply department quarters pahnih dinna hmuna Congress party office tum chu an duh loh thu leh sak an remtih loh thu an puang.

Champhai District NGO Coordination Committee hruaitute chu Thawhlehni zan khan Kahrawt YMA Hall-ah an ṭhukhawm a, Congress party-in DC pisa hmun hluia pisa sak an tum thar leh chu an duh loh thu an sawi. Kum 2011-ah pawh Congress party office sakna atan Revenue department-in LSC a lo siamsak tawh nia sawiin, khami ṭumah pawh khan an remtih loh thu an lo puang tawh niin an sawi bawk.

Champhai district-a NGO-te chuan, DC hmun hlui chu mimal, kohhran, political party, sorkar department leh pawl dangte tan sahthlak an remtih loh thu an puang a; Congress party chu an thil tum tharthawh tawh lo turin an ngen.