Champhai district-a Pàwlráng khua chuan bawlhhlawh ṭawih theih leh ṭawih thei lo an thliar hrang

Champhai district-a Pàwlráng khua chuan bawlhhlawh ṭawih theih leh ṭawih thei lo an thliar hrang tawh a; hetianga an tih hi September 19, 2016-a ‘Pawlrang Day’ an lawm aṭangin an kalpui ṭan. Pawlrang khua hian kum tin September 18-ah pawlrang Day an hmang ṭhin a, kuminah chuan Pathianni a nih avangin September 19-ah an lawm a ni.

Pawlrang Day an lawm ni aṭang hian bawlhhlawh ṭawih thei leh ṭawih thei lote bawhhlawh báwmah an thliar ṭan a, bawlhhlawh paih motor hmangin an khaw chhunga bawlhhlawhte chu a paihna hmun tura an ruahmanah chawlhkar tin an paih ṭhin. Khaw chhungah bawlhhlawh lak khawmna hmun bik an siam a, chhungkaw tinin an bawlhhlawhte a lak khawmna hmunah an keng khawm ṭhin a ni.

Bawlhhlawh báwm, a ṭawih thei leh ṭawih thei lo paihna tur hran an siam chu MGNREGS sum hmangin chhungkaw tin leisak an ni a, chu'ngte chu September 17 khan an sem a ni.