State Level INSPIRED Award zawh fel a ni

September 22-23, 2016 chhunga Ser-chhip High School-a neih INSPIRED Award State Level Science Exhibition cum Project Competition chu nimin khan zawh a ni a; national level inelnaa Mizoram aiawha tel tur zirlai naupang panga hnenah certificate leh lawmman hlan a ni.

INSPIRED Award khârna inkhawm hi Serchhip BNRGSK Hall-ah neih a ni a, a ti ṭha panga, national level inelnaa tel turte chu Ser-chhip DEO Lallawm-awma'n lawmman a hlan.

Lawmman dawngtute chu - H Vanlalmuanzuali, Hnahthial English Congregation School; Vanlalmalsawmi, Keiṭum Middle School; Lalmuansangi, Presbyterian English School, Chhingchhip; Lalfakzuala Zadeng, Baptist Higher Secondary School, Lunglei leh, PC Vanlalveni, Buangpui RMSA Secondary School-te an ni.

Exhibition cum Project Competition-ah hian zir-lai 62-in an model siam-te an pho lang a; zir-laite leh mipuite'n tlawh-in, model siamtute chuan an hrilhfiah zel a ni.