Aizawl Civil Hospital-ah SRS-in heroin an man

Central YMA hnuaia SRS-te chuan, nimin zing dar 9 vel khan Aizawl Civil Hospital Casualty-a inthiarnaah Lalnunchhana s/o Chhun-
ṭhuama (L), Zokhawthar Vengthar nia insawi hnen aṭangin heroin hawng khat an man a, Excise & Narcotics department hnenah an hlan.

SRS-te hian Aizawl lama ruihhlo zuar ṭhin an veh lai chu nimin zing khan Aizawl Civil Hospital péngah hmuin an chhui zui a, ACH-a a luh avangin ruihhlo keng a nih ring loin kalsan mai an tum hman a; mahse, finfiahna atan damdawi-inah hian an luhchilh a, Lalnunchhana hian heroin chu mi dang pek a tum lai an nangching a ni.

SRS hruaitute chuan, tunlai hian ruihhlo zuarte'n ruihhlo inhlan chhawnna atan mipui tamna lai an thlan ṭhin thu an sawi.