Kawnpuia hockey asto turf hawng

Kawnpui Boys Academy-a hockey khelmuala phùl lem phah chu, nimin khan parliamentary secretary (Sports) Hmingdailova Khiangte-in a hawng.

Hmingdailova Khiangte chuan infiamna lama ṭhalaite theihna leh tuihalna sorkarin a hria tih sawiin, "Hemi atan hian sorkar chuan hmunhma
ṭha a siam a zel a ni. Hockey-ah pawh ram aiawh pha kan chhuah zel nan pawh kan hmunhma ṭhate hman ṭangkai a nih ka beisei," a ti.

Hockey astro turf phah-na tur hian Ministry of Youth Affairs & Sports In-frastructure Scheme aṭangin cheng nuai 500 leh Special Plan Assistance aṭangin cheng nuai 100.96 hmuh a ni a; turf phah nan cheng nuai 420 hman niin, retaining wall, fencing leh RCC water tanky siam nan cheng nuai 180.96 hman a ni.

Sorkar thuchhuah tarlan danin, Hockey Astro Turf siam nan hian Kawnpui mipuiten
ṭhahnemngai takin sorkar an tanpui a, thlan 35 leh chenna in pahnih sawnchhuah a ni.