KHAWTHLIR

Lawmman dawng

Joint Electricity Regulatory Commission (JERC) for Manipur and Mizoram chuan, hmar-chhak biala JERC hmasawn chak ber lawmman a dawng. Lawmman hi September 24, 2016 khan sorkar laipuiin power sector-a a thawhpui Independent Power Producer Association of India-in Goa-ah an hlan a ni.

Zu leh ganja man

Young Lai Association (YLA), Sangau-II Branch-te chuan nimin chawhma dar 11 vel khan Sangau-a phurh luh tur zu litre 450 vel leh ganja kg. chanve leh a neitu Vancheuthanga, Sangau-III Venglai an man. Zu neitu hian a zute chu Rangvamual, Aizawl aṭanga a lak niin a sawi. Zu leh ganja hi an tiral nghal a ni.

Sojourn Mizoram

ICFAI University, Mizoram chuan nimin khan an campus-ah World Tourism Day pualin a vawi khat nan ‘Sojourn Mizoram 2016’ an hmang. Thupui chu 'Tourism for All’ tih niin, lecturer Julie Sailo-in thupui a sawi a; khuallian Tourism joint director Biakthansanga'n thu a sawi bawk.

In saksak

September 25 zana ruahsûr vanga lei tawlhin Mualkawia in a tihchhiat chu khawtlang mipuiin hnatlangin an siam ṭhatsak. In an sak ṭhat bakah hian an khaw chhunga lei tawlh thenfai hna an thawk nghal a ni.

Siaha-ah training

Nimin khan Siahaa IPR Conference Hall-ah National Vector Borne Diseases Control Programme chungchangah ni thum awh tur training an buatsaih ṭan a, vawiin leh naktukah chhunzawm a ni ang. Training-ah hian thupui chi hrang hrang an zir dawn a ni.

NLUP sem

Agriculture department chuan nimin khan Kolasib district chhunga Tuirial, Kolasib leh Serlui biala NLUP hnuaia oil palm chìn thlangtu mi 489 hnenah Rs. 20,000
ṭheuh leh leilet (WRC-II) trade thlangtu mi pakhat hnenah Rs. 20,000 an sem.