Larsapin LADC hotute a kâwm

Governor Lt. Gen. Nirbhay Sharma chuan, nimin khan Lai Autonomous District Council (LADC) hotute Raj Bhavan-ah a kâwm a; hmasawnna atana hmalak zel dan tur a sawipui.

Larsap chuan meeting a koh chhan sawiin, "Autonomous district council huam chhunga hmasawnna kalpui a nih dan leh hmalak zel dan tur sawiho a, district council leh state sorkar inkara thawhhona ṭha zawk nen hnathawh zel dan tura rawtna siam a ni. LADC area-ah a bik takin hriselna, zirna leh skill dvelopment lamah hmasawn a
ṭul hle a, chu chuan mipuite chu chhawr tlaka siamin, eizawnna kawng hrang hrang siamsak a tiawlsam dawn a ni," a ti.

LADC hotute chuan, an hmalak dante leh harsatna an tawhte Governor an hrilh a; sorkar department hotute nen an harsatna sutkian dan turte an sawiho nghal a ni.

Lt. Gen. Nirbhay Sharma chuan, LADC hotute chu an huam chhungah mipuite hriselna, zirna leh eizawnna lam zirchianna nei tur leh thla khat hnuah survey report a hnena thehlut turin a hrilh.

Governor hi District Council & Minority Affairs secretary Rodney L Ralte, Health secretary Lalrinliana Fanai, Finance commissioner LN Tochhawng, Finance secretary Lalropara, Labour, Employment & Industrial Training secretary Benjamina, Law & Judicial secretary Marli Vankung leh, Planning leh DPAR department hotute'n an
ṭawiawm a ni.