Rural Bank-in din champha an lawm

Mizoram Rural Bank (MRB) chuan nimin khan branch hrang hrangah an din champha an lawm a, anmahni dawrtu zawng zawngte ei leh in tur tuihnai tak an pe. MRB chuan an din champha vawi 33-na thleng theia kaihruaitu Pathian, Mizoram sorkar, sorkar laipui, sponsor bank leh anmahni dawrtute chungah lawmthu an sawi.

MRB hi Regional Rural Bank Act, 1976 hnuaiah September 27, 1983-ah din a ni a, Mizoramah branch 78 neiin, Mizorama branch ngah ber bank a ni. India rama regional bank 56 zingah lawmman a ber nihna pathum an dawng tawh a; kum 2015-16 khan cheng nuai 24 an hlêp a ni.