World Day of the Deafness hman a ni

National Programme for Prevention and Control of Deafness (NPPCD) huaihawtin, nimin khan Lal Thanhawla Auditorium-ah World Day of the Deafness hman a ni a, Health minister Lal Thanzara khuallian a ni. He hunah hian kum 2015-16 chhung khan ri hriatna ṭha lo mi 1,376 hmuh chhuah a nih thu an tarlang.

Health Minister chuan, khaw-vel finna
ṭhang zelin hmanraw thar a hmuh chhuahte chu ri hriat-naa harsatna neite’n an hman ṭangkai ve dan tur ngaihtuahpui a ṭul thu sawiin, an nun kawng hrang hrang-a thawvenna tur ngaihtuah-pui tur leh rualbanlo anga en nghal mai lo a, anmahni kai-hruaitu nih tum turin mi tin a chah.

Tun hmain ri hriatnaa harsatna neite chu awm-ze nei loin mahni duh dan danin zaizira biak an ni
ṭhin tih sawiin, Thanzara chuan, “Tunah chuan mi-thiamte inpekna zar-ah awm-ze neiin Mi-zote pawhin sign language hmang thei leh zirtir thei an lo awm ve ta hi a ropui hle a ni,” a ti a; ri hriatna lama harsatna neite chu chhungkaw, khawtlang leh kohhranahte a tam thei ang ber teltir theih ni se a duh thu a sawi.

Lal Thanzara chuan, Aizawl Civil Hospital-ah private cabin paruk dah belh a nih tur thu te, Geriatic (kum upa) ward-ah cabin pahnih dah a nih tur thu te, kidney dialysis machine thar pahnih neih belh a nih thu te, Lunglei Civil Hospital-ah kum upate tan khum 10 awmna ward a hrana siam a nih thute a sawi bawk.

Inkhawma tarlan danin, kum 2015-16 chhung khan Mizoram pumah beng lama harsatna nei mi 14,043 an inentir a, beng ṭha lo mi 1,376 hmuh chhuah a ni. Mi 1,376 zinga mi 102 chu ri hre lo tawpa bengngawng niin, mi 232 chu ri hre thei mang loa beng-ngawng (severe hearing loss) an ni a; mi 408 chu ri hre thei tho bengngawng (moderate hearing loss) niin, mi 634 chu ri hriatna lama chak vak tawh lo an ni.

NPPCD hi India ramah kum 2006-ah kalpui ṭan niin, Mizoramah chuan National Health Mission hnuaiah August 2014-ah kalpui
ṭan a ni.

Mizorama district pali - Aizawl East, Aizawl West, Lunglei leh Champhai district-ahte kalpui a ni tawh a, kum kal mek 2016-17 chhung-in Serchhip, Mamit leh
Kolasib district-ahte kalpui ṭan tum a ni. NPPCD hian hmun hrang hrangah screening camp an nei ṭhin a, kum 2015-16 chhung khan hmun 19-ah camp an nei.

NPPCD tum ber chu - beng ri hriatna
ṭha lo laka mipuite ven te, beng ṭha lo hmuh chhuah hmaa enkawl te, mipuite hnena beng enkawl dan zirtirte leh pawl hrang hrangte nena thawhho a ni.

World Day of the Deafness hi kum 1958-ah Paris, France-ah hman ṭan niin, khawvelah Septem-ber thlaa Pathianni hnu-hnung berah hman a ni
ṭhin a; Mizoramah chuan nimin khan hman a ni a, thupui chu ‘Zaizira inbiak-nain intluktlangah min siam’ (With sign language, I am equal) tih a ni.