Sai-in mi pakhat a chíl hlum

Hortoki ram, Thinghmun ràlah teak thiara inhlawhfa Moni-a (kum 40 vel), Zawlpui, Mamit district chu an sai chhawr laiin a chíl hluma hriat a ni a, Pathianni zing khan a ruang hmuh a ni.

Thu dawn danin, thil thlen hun hi Pathianni zing lam nia hriat a ni a; Moni hi teak thiarin kar khat liam ta aṭang khan hna a thawk ṭan a, hna an thawh lai hian sai thinrimin ṭum khat a lo phìn tawh a, thil duhawm lo a thlen zui loh avangin hna an thawk chhunzawm leh a ni. Sai hi a púin ram hnuaiah a thlung bet nghal a ni.