Bill dodal vanga thite puanin tuam

Parliamentary secretary Joseph Lalhimpuia chuan, August 31, 2015-a Manipur sorkarin bill a pass a duh loh lantirnaa thi mi pakua, tun thlenga la phûm lohte chu an dahna Churachanpur Hospital morgue house-ah a tlawh a, Mizoram sorkar aiawhin puanin a tuam.

Joseph Lalhimpuia chuan, bill duh loh lantirna vanga thi an awm chu Mizo mipuiin pawi an sûn tih sawiin, "Khawhar chhungte kan tawrhpui tak zet a, Pathian thlamuanna leh awmpuina kan dilpui ṭhin a ni," a ti.

Sorkar thuchhuah tarlan danin, Mizote'n intawrhpuina leh lainatna lantir nana an tih ṭhin angin, Mizoram sorkar aiawhin mitthi pakuate chu puan a tuam a ni.