Tuiah mi 3 an tla hlum

September 24, 2016 khan Champhai Tlangsamah dilah naupang pahnih an tla hlum a; hemi ni vek hian Teirei luiah tleirawl pakhat a tla hlum.

Inrinni chawhma dar 10 vel khan Tlangsam khuaa Vanruata fate pahnih - Lalbiakfela (8) leh Lalngaihkima (6)-te chu an khaw dáia tuikhuahah an tla hlum. Thu dawn danin, Lalngaihkima chu tuikhuahah a tla a, a ú Lalbiakfela pawh a nau chhan a tumin tuiah hian a lut ve a; a bul hnaia awmte'n an lak chhuah chuan an lo thi tawh a ni.

Inrinni chhun dar 12 vel khan Lalrinawma (16) s/o JH Lalrin-fela, Mamit Bazar Veng chu Darlak bula Teirei luiah a tla hlum. Thu dawn danin, Lalrinawma hi Darlaka kohhran ṭhalai khawmpuia tel tura a kal ve a, Teirei luiah a ṭhiante nen an inbual chu chesualin, a tla hlum a ni.