Kumin V-day dawn hnaiha thil 'trending' te

Valentine's Day kan thleng ta bawk a, troll page hrang hrang leh memes velah bawk V-Day behchhan hmuh tur a tam hle. Google Trends kan en chuan US-a tunhnaia zawhna zawn nasat ber chu 'Eng nge hmangaihna? (What is love?)' tih a ni mauh mai, V-Day lo thleng tur hian mi rilru a hneh bawk a ni ngei ang. Mahni inhmangaih dan tih zawhnate pawh zawhna zawn nasat zingah a tel. 

Google chuan Google Trends data behchhanin tunhnai kar eng emaw zat chhunga US-a Valentine's Day dawna thil 'trending' mek list a tichhuak.

SocialmediaToday-in Love song lar zual a tihchhuahah Taylor Swift-i'n 2008-a a tihchhuah 'Love Story' chu lar ber a nih thu tarlan a ni a, Diana Ross & Lionel Richie 'Endless Love' leh The Righteous Brothers 'Unchained Melody'-te pawh lar zual zingah hian a tel.

Love Song lar zual top 5:-

1    Love Story    Taylor Swift

2    Endless Love    Diana Ross & Lionel Richie

3    Unchained Melody     The Righteous Brothers

4    Amazed     Lonestar

5    My Girl     The Temptations

Google activity bechhana 'gift' tur zawn nasat zingah pangpar zawng an tam ber a, Ecards leh Teddy bear zawngte pawh an tam hle bawk.

V-Day Gift tur atana zawn nasat te:-

1    Flowers

2    Ecards

3    Teddy bears

4    Rose bears

5    Chocolate covered strawberries

New York Post chuan vawiina online streaming platform-a film en tur ṭha a tih a chhawpchhuak bawk a, Netflix movie 'To All the Boys I’ve Loved Before' chhunzawmna tunhnaia a tlangzarh 'To All the Boys: PS I Still Love You' chu ṭhiante emaw ngaihzawngte nen emawa en tur ṭha berah a thlang. Netflix movie tho 'Always Be My Maybe' leh 'Pride & Prejudice' te pawh suggestion a chhawpchhuah zingah a tel.

New York Post movie chhawp chhuahte:-

To All the Boys: PS I Still Love You

Always Be My Maybe

Pride & Prejudice

10 Things I Hate About You

Chocolate