CHAPCHAR KÛT TLAN

 Tun kar tawp lama Chapchar Kût hman tur chu nimin khan Aizawlah a hawnna hun hman a ni a, a hawnna atan hian zing karah Chapchar Kût Tlân huaihawt niin, Aizawla YMA branch hrang hrang aiawh mi ṭhahnem tak an tel.

Chapchar Kût Tlân hi zing dar 6-ah Sikulpuikawn leh Chanmari kâwnah ṭan a ni a, Sikulpuikawn aṭanga kalte chu Central YMA treasurer Roneihthanga'n vailiamin, Chanmari aṭanga kalte chu CYMA assistant secretary Fabian Lalfakawma'n a vailiam. Hmun hnih aṭanga kalte hi Lammualah an intâwk khawm a, inkhawm tawi buatsaih niin, Aizawl bawrhsap Lalhriatpuia khuallian a ni.