Larsap leh CM-in Abdul Kalam an ui thu an sawi

Governor Lt.Gen. Nirbhay Sharma chuan, Thawhṭanni zana thi, President hlui Dr APJ Abdul Kalam uina thuchah nimin khan a tichhuak.

Larsap chuan, Dr APJ Abdul Kalam a thi tih a hriatin a rilru a ná a, pawi a tih tak zet thu sawiin, "Mipuite President an tih hial khawpa mi zawng zawng ngainat hlawh, scientist ropui chungchuang, ram leh hnam hmangaihtu kan zinga a awm ta lo hi India tan chuan channa nasa tak a ni. Ram tana a thil tih ropui tak tak avangte hian India khua leh tui zawng zawngte thinlungah a thi tawh ngai lo ang," a ti.

Chief minister Lal Than­hawla pawhin Dr. APJ Abdul Kalam thih­na avanga ram pumin lung­ngaihna a tawrh mek chu Mizo mipuite pawhin an ṭawmpui tih sawiin, "Mizo mipuite chuan Mizoram a rawn tlawh ṭuma a nelawm­na leh a hlim hmelte kha an theihngilh ngai tawh lo ang," a ti a, Abdul Kalam chu mipuite Presi­dent dik tak a nih thu a sawi.

Dr APJ Abdul Kalam hian kum 2005 leh 2006-ah Mizoram a tlawhaa; kum 2005-ah chuan Mizoram Assembly House-ah thu a sawi bakah, Sairang Primay School-te a tlawh. Kum 2006-ah chuan Mizoram University Convocation a hmanpui a ni.