Mizo tihmingchhetu ni lo turin chah

Minister of state Lal Thanzara chuan, Mizoram páwna awm Mizo ṭhalaite chu Mizo ti­hming­chhetu leh tihminghliautu ni lo turin a chah.

Nimina Zirtiri Residential Science College-in Vanapa Hall-a Freshers Social cum Farewell an hmannaah thu sawiin, Lal Thanzara chuan, zirna leh eizawnna vanga Mizoram páwna awmte chu hnam dangte nen an inkawmhonaah Mizo hnam hmusita nuihzattu ni lo turin a chah a; khawi hmunah pawh Mizo hnam chawi sáng a, Mizo hnam làm, ipte chei leh Mizo puante chhawmnung zel turin a fuih a ni.

Lal Thanzara chuan, zirlaite an fail vanga zirna an chhunzawm mai lo ṭhin chu dawihzepthlâk a nih thu sawiin, zirlaite chu bei­dawng loa zir zel turin a fuih a; India ram pumin a sûn mek, President hlui Dr APJ Abdul Kalam-a nun dan entawn tur leh ruih theih thila fihlîm turin a chah bawk.