MHIP-in an dem thu an chhuah

MHIP general headquarters chuan thuchhuah siamin, Vanlalthanmawia (23) s/o Biakthanga, Sangau Ramhlun-in a nupui PT Lal­biak­diki, Sangau-III, thla sarih mi nau pai mek July 25, 2015-a khawnvartuia leiha a hâl chu an dem thu an tar­lang. MHIP-te hian Vanlal­thanmawia chu a na thei ang bera hrem an phût a ni.

MHIP chuan, tun hnaia hmeichhe saruak thlalak, Mizo hmeichhia anga sawia social media-a thawn darh chu pawi an tih thu sawiin, an dem thu an tarlang a, "Hmeichhiate zahawmna tihbawrhbànna a nih bakah, IT kaltlanga dan bawh­chhiatna a nih avangin thlalak thawn darh a nihnaa mawhphurtu man chhuak a, dan anga hrem ngei turin thuneitute kan phût a ni," an ti.