Visual production & editing training nei

School Education department chuan, nimin khan an directorate conference hall-ah 'Visual production leh editing training' an buatsaih a, parliamentary secretary (School Education) Joseph Lalhimpuia'n a hmanpui.

Joseph Lalhimpuia chuan, zirnain hma a sawn theihna atan Doordarshan Kendra nena thawhhona thuthlung an siam bawhzuina atan training buatsaih a nih thu a sawi a, "DDK kaltlanga School Education hmalakna zau leh chipchiar zawka puanzar a nih dawn avangin department tan pawh darthlalang pawimawh tak a ni dawn. He programme kaltlang hian thil tak tak, belhchian dâwl leh rintlak puanzar a ni dawn a, lem chan theih a ni lo", a ti.

DDK programme executive Vanlal-tlana Varte chuan training kalpui a nih dan tur a sawifiah a; DDK chu mipui ta a nih angin department-te hmalaknaah thawhpui turin zau takin an inhawn thu a sawi.