Police-in chargesheet thehlut

October, 2014-a Kolasib Supply kudam aṭanga dan loa buhfai ip 140 phurh chhuahnaa mawhphurtu bera puh Kolasib DCSO hlui, PL Zohmingliana laka Kolasib police-te'n tun hnai khan Court-ah charge­sheet an thehlut.

Thu dawn danin, Kolasib police-te chuan sorkar aṭanga prosecution sanction order an hmuh theih lawk loh avangin chargesheet an thehlut hma thei lo a; ṭum hnih an dilnaah prosecution sanction an hmu a ni. He thubuai hi Kolasib District Court chuan July 30, 2015-ah a ngaihtuah ang.

He thubuai chung­changah departmental inquiry pawh tih tho a ni a, he thila inhnamhnawih leh thuhretute chu thu zawhfiah an ni tawh.