MPYCC-in hre chiang loah MPCY puh

Congress party ṭhalaite chuan thuchhuah siamin, MPC ṭhalaite'n thuchhuah siama AH&Vety department changtu minister C Ngunlianchunga'n Republic Veng khawtlang ngenna a bengkhawn duh lo anga an puh chu thil an hriat chian loh vang niin an tarlang.

MPYCC chuan, AH&Vety Minister-in chuan Republic Veng Local Council-in a hnena harsatna an thlen bawhzuiin, June 19, 2015 zingah Republic Venga AH&Vety department hmun chu director-te nen a hmunah an enfiah a, June 2, 2015-ah AH&Vety assistant engineer a hmunah a enfiahtir bawk niin an sawi.

MPYCC tarlan danin, Vety Minister hmalaknain June 24, 2015-ah AH&Vety department-in sum nei lo chungin Republic Veng harsatna sukiang turin sum ngaihtuah turin a ti a, July 13, 2015-ah senior doctor pahnih leh assistant engineer-te'n a hmunah tlawhin, sum ngai tur zat an chhût chhuak a, pawisa pawh hman theiha tihfel a ni ṭêp tawh.

Congress ṭhalaite chuan, MPCY-te chu thu dik zik­tluak lo hmanga mi puh tawh lo turin an chah a ni.