Dan bawhchhia 876 man an ni

Aizawl Municipal Council (AMC) huam chhungah ni khat chhung (October 26) Covid-19 No Tolerance Fortnight hman a ni a, chumi chhung chuan police, flying squad leh local task force-te'n The Mizoram (Containment and Prevention of Covid-19) Ordinance, 2020 bawhchhia mi 876 an man.

Dan bawhchhiate chu an dan bawhchhiat dan azirin pawisa chawitir an ni a, mi 876-te pawisa chawi tlingkhawm chu Rs. 1,26,500 a ni. Dan bawhchhia man zingah vantlang hmuna hmai tuam loa kal an tam ber a, mi 797 manin, an pawisa chawi zat chu Rs. 79,700 a ni. Hmai tuam lote chu Rs. 100 zel chawitir theih a ni.

Social distancing zâwm lo mi 35 man an ni a, Rs. 200 zel chawitir niin, an pawisa belhkhawm chu Rs. 700 a ni. Vantlang hmuna chil chhâk mi paruk man niin, Rs. 300 zel chawitir an ni.