Supplementary Demand pawm

Nimina Assembly budget session-ah 'The Mizoram Appropriation (Supplementary Demand for Grants 2024-2025) Bill, 2025' chu Finance changtu chief minister Lalduhoma'n a pharh a; member-te hriat fiah duhte a sawifiah hnuah pawm a ni.

Supplementary Demand for Grants hi sorkar sum indaih lohna phuhrûkna tia sawi ṭhin a ni a, Supplementary Demand for Grants 2024-2025 chu cheng vbc. 3,512.33 a ni. March 13, 2024-a kum 2024-25 budget estimate pawm kha Rs 1,44,12,12,13,000 (vbc. 14,412.12) a ni a, Supplementary Demand for Grants 2024-25 nen kum 2024-25 chhunga Mizoram sum ruahman pumpui chu vbc. 17,924.45 a ni.