SRS-in heroin an man

Central YMA hnuaia ruihhlo do pawl SRS chuan nimin zing khan World Bank road, Bethlehem Vengthlang huam chhunga lei chhunga phum heroin hawng thum an man.

SRS-te hian an thudawn bawhzuiin, World Bank road-a C Lalhmangaihzuala in leh a chhehvel an dap a, vawk chaw chhumna bulah lei lehna hnuhma an hmuh chu haiin, heroin hawng thum hi an hmu a ni. SRS-te hian heroin an hmuh thu hi Excise & Narcotics dept. an hriattir a, anni hian a neitua puh C Lalhmangaihzuala leh a nupui TBC Sangthangpuii te chu an man a ni.