Sangha chi supply chhuitir thlawp

Congress party chuan thuchhuah siamin, NLUP leh RKVY hnuai­a sangha chi supply thu-ah thil dik lo awma a lan vanga chief minister Lal Thanhawla'n ACB chhui chiantir tura Chief Vigilance Officer a hriat­tir chu an thlawp tlat thu an tarlang.

MPCC thuchuah chuan, NLUP sum chu mirethei chhanchhuahna tur liau liaua sorkar laipui rawn pek nia sawiin, "Khawih chingpen thiang lo a ni. Fishery department-ah hian beneficiary-te phunnawina a awm zauh zauh a, tuna CM meuhin ACB a chhuitir takah hian tun ṭuma mi chauh ni lo, NLUP leh RKVY sum hmanga sangha chi supply zawng zawng kha chhui nghal turin MPCC chuan a duh," an ti.