MPCY-in AH&Vety an dem

MPC party ṭhalaite chuan, AH&Vety department-in Republic Venga an ram chhunga leimin hlauhthawnawm a awm vanga khawtlang hruaitute ngenna leh Aizawl District Disaster management Authority-in ti tura a tih an zâwm lo chu an dem thu an tarlang.

MPCY chuan, AH&Vety department-in Republic Veng khaw­tlang ngenna leh ADDMA thupek zâwm loa an ngawihsan chu mipui­te himna an ngaih pawimawh lohzia tilangtu a nih thu an sawi a; AH&Vety department chu a changtu minister C Ngunlianchunga’n a awp hlum ṭep tawha an ngaih thu sawiin, thlak a ngai tawh tak zeta an hriat thu an sawi bawk.